By ons Graad R sentrum is kleuters nog kinders terwyl hulle die nodige vaardighede speel-speel aanleer om die volgende hoofstuk van hulle skoolloopbaan suksesvol aan te pak.
Ons sentrum bestaan uit ses klein klasse, elk met ‘n juffrou en ‘n assistent, wat ‘n unieke kurrikulum aanbied om kinders te help ontwikkel om hulle volle potensiaal te bereik.
Groot & fynmotoriese vaardighede
Sosio-emosionele ontwikkeling
Kognitiewe vaardighede
Taalontwikkeling
Kreatiwiteit
Weeklikse musiek- en rekenaarlesse
Speel, speel en baie speel
Kreatiwiteit word verder gestimuleer deur verskillende fantasie- en opvoedkunde speelgoed
Die waarde van vryspel is onmeetbaar en laat ons kleuters floreer; daarom maak ons seker daar is genoeg tyd vir ons kleuters om na hartelus te speel op ons pragtige, goed toegeruste fasiliteite.
Wiskunde, Taal en Lewensvaardigheid word geïntegreerd aangebied aan die hand van temas wat ons kleuters bewus maak van die wêreld rondom hulle. Daar is gereeld instappies soos Brandweer, plaasdiere en selfs ‘n instappie waar leerders van dryfsand, fossiele en dinosourusse leer terwyl hulle 3D-brille dra. Moedersdag, Vadersdag en Oupa-en-Oumadag is ook ‘n hoogtepunt op die kalender.
‘n Verskeidenheid buitemuurse aktiwiteite word aangebied, waarvan ouers kan kies en keur.
Elke dag is opedag by Laerskool Monumentpark en ouers is altyd welkom om te kom kyk hoe ons gekwalifiseerde onderwysers met passie en entoesiasme die kleuters speel-speel leer.
Graad R Personeel
Me. Hannelie Jansen
Me. Lichélle Rademeyer
Me. Edna Van Vuuren
Me. Helena Victor
Me. Jacqueline Liebenberg
Me. Rianna Van Der Walt
Graad R Dag Program
| TYD | AKTIWITEIT |
|---|---|
| 8:00 - 8:30 | Aankoms Vryspel Groet Verjaarsdae Register Weerkaart Nuus |
| 8:30 - 9:00 | Fokus Op Wikunde |
| 9:00 - 9:50 | Fokus op Lewensvaardighede |
| 9:50 - 10:10 | Happietyd |
| 10:10 – 10:55 | Vryspel (buite) |
| 10:55 – 12:00 | Fokus op Moedertaal |
| 12:00 | Storie vir genot |
| 12:30 | Afsluiting en Vertrek / Naskool op die terrein |
Graad R Sentrum Galery
Kopiereg 2024 © Laerskool Monumentpark. All regte voorbehou. Geskep deur Starbright